.jpg)
main nain kaha k husan ko apnay chupa k rakh
us nain kahan too apni nigahin jhuka k rakh
main nain kaha k deed moyasar ho kis tra
us nain kaha k aina dil main saja k rakh
main nain kaha k rah-e-mohabat hy our main
us nain kaha kadam ko kadam say mila k rakh
main nain kaha k chahyay thora sa eltafat
us nain kaha mezaj na bad-e-saba k rakh
main nain kaha kathan hy bht zeest ka safar
us nain kaha k eshaq ko jada bna k rakh
main nain kaha k hijar main jalta hy ye badan
us nain kaha jalay to jalay dil bacha k rakh
main nain kaha k visal ka emkan hy kabhi
us nain kaha chiragh-e-tamana jala k rakh
main nain kaha k bujhta diya hon khayal kar
us nain kaha k samnay khud ko hava k rakh
main nain kaha kalam main taseer q nahi
us nain kaha k dard ko dil main basa k rakh
1 comments:
Very beautiful website
Post a Comment