Ab mujh ko rukhsat hona hy, kuch mera har singhar kro
Q deer lagati ho sukhyo, jaldi say mujhay tyar kro
Ye kesa anokha jora hy jo aj mujhay pehnaya hy
Main horoon jesi dulhan bani, ab utho our dedar kro
Ek har hy surkh gulaboon ka, ek chadar surkh gulaboon ki
Our kitna roop chara mujh par, is bat ka tum ekrar kro
Ek bar yahan say jaon gi, main loot k phir kab aon gi
Tum ah-o-zari lakh kro, tum minat so so bar kro
Roo roo kar ankhin lal hoin, tum q sukhyo behal hoin
Ab doli uthnay wali hy, lo ao mujh ko pyar kro
Han yad aya is basti main kuch diay jlay thay main nain
Tum un ko bujhnay mat dena, bus ye wada ek bar kro
0 comments:
Post a Comment