Main darya say bhi darta hon

Itni mudat bad milay ho

Kin sochon main gum phirtay ho

Itnay khaif q rehtay ho?

Har ahat say dar jatay ho

Teez hva nain mujh say pocha

Rait pay kia likhtay rehtay ho?

Kash koi hum say bhi pochay

Rat gay tak q jagtay ho?

Main darya say bhi darta hon

Tum darya say bhi gehray ho

Kon si bat hy tum main esi

Itnay achay q lagtay ho?

Pechay mur kar q dekha tha?

Pathar ban kar kia taktay ho

Jao jeet ka jashan mnao

Main jhota hon tum sachay ho

Apnay shehar k sub logon say

Meri khatir q uljhay ho?

Kehnay ko rehtay ho dil main

Phir bhi kitnay dor khray ho

Rat hamain kuch yad nahi tha

Rat bht hi yad ay ho

Hum say na pocho hijar k kisay

Apni kaho ab tum kesay ho?